Domenie stade a Liariis di Davâr al è stât un bon risultât pal Front.
O vin vût le ocasion di cognossi e di fanus cognossi di tancj Furlans e Cjargnej. O vin dât fûr une sdrume di materiâl informatîf e o vin cjapât la solidarietât di cetante int. O sin contents; e je stade une biele fieste, no dome sportive, che nus â slargjât j orizonts.
Cumò chej che nus lein su chist spazi bisugne che cjapin cussience che il Front Furlan nol è un circul par pôcs intims, ma un patrimoni di ducj i furlans. Il Front al è nassût tant che un imprest “open source” (cume che a si dîs cumô), la che ognidun al è libar di jentrâ e jessi e puartâ ce che al riten bon pe autonomie de nestre Patrie.
Cui che al â a cûr il destin di chistis tiaris, che si fasi indenant sence pôre. Che al vegni aes nestris riunions, che al colabori tes nestris ativitâs. Il spazi al è par ducj.
Mandi.