Domenie 23 di Maj sul Zoncolan si davuelzarâ la tape a cronometro dal zîr d’ Italie di biciclete, un apontament la che al sarâ une vore di public e la che j voi des televisions a saràn pontâts su dut il percors par cetantis oris.
Par cui che al stâ daûr aes trasmisions sportivis, nol è di rât viodi svintuladis tra il public lis bandieris des regjons Basche e Catalane, ancje se lis manifestazions a vegnin fatis chî in Italie.
Parcè alore ancje nô furlans no si mostrin braurôs de nestre tiare e de nestre autonomie e no lìn sul percôrs de gare a mostrâ la nestre bandiere?
I militants dal Front Furlan domenie a laràn sul Zoncolan cun lis bandieris de Patrie parcèche ducj a si visin de cuistion di chist cjanton di Europe là che fevelâ in te proprie lenghe e je une colpe mâl tolerade des istituzions; lâ che ducj a vuelin passâ cun autostradis, oleodots, metanodots, eletrodots e puartâ vie le aghe since domandâ nie a nissun e since lassâ un carantan sul teritori.
O invidin ducj i furlans a fa chel istès, iemplant lis stradis dal zîr cun lis bandieris zalis e blu. Trasformin chiste manifestazion talianone in t’une vitrine pal nestri autonomisin e pe nestre autodeterminazion.
Us spietin.